ಆಗಲಾರದು ಹಾರ ಇಟ್ಟರೆ ಸೂಜಿ ದಾರಗಳ ದೂರ ದೂರ

ಹನಿ ಹನಿ 

೧.
ಆಗಲಾರದು ಹಾರ
ಇಟ್ಟರೆ ಸೂಜಿ ದಾರಗಳ
ದೂರ ದೂರ

೨.
ಗಾಳಿ ಎಂದಿಗೂ
ಹೂವಿನ ಪರಿಮಳವನ್ನು
ನೀನು ಎಲ್ಲಿ ಹುಟ್ಟಿದೆ ಎಂದು ಕೇಳುವುದಿಲ್ಲ.
ಅರೆ! ನಾನು ಎಲ್ಲಿ ಹೋದರೂ
ಯಾರ ಪೈಕಿ ಎಂದು ಕೇಳುತ್ತಾರಲ್ಲಾ!

೩.
ರೆಕ್ಕೆ ಬಿಡಿಸಿ ಬೇರೂರಿ
ಕಣ್ಣ ಹಣ್ಣುಗಳ ತೂಗುವ
ಚಿರ ಬಸುರಿ ನವಿಲು
ಮರ

೪.
ಎಲ್ಲರಿಗು ಕದಿಯಬೇಕೆನ್ನಿಸುವ
ಕವಿತೆಯ ಸಾಲು
ತಿದ್ದಿದ ಅವಳ ಹುಬ್ಬು

೫.
ಬೋರಲಾದ ತೊಟ್ಟಿಲು
ಈ ಆಕಾಶದ ಕೆಳಗೆ
ಪುಟ್ಟ ಮಕ್ಕಳು ನಾವು
ಈ ಭೂಮಿ ತಾಯಿಗೆ

ಮಯೂರ ಪತ್ರಿಕೆ ಅಕ್ಟೋಬರ್ -೨೦೦೯