ಸಾಗರವನ್ನು ಸೇರಿನ ತಳದಿಂದ ಅಳೆವವನು

ಅಣ್ಣ ತಮ್ಮಂದಿರು

ದಡಕಚ್ಚಿ ಸಾಗರವನ್ನು
ಸೇರಿನ ತಳದಿಂದ ಅಳೆಯುವವನು

ನೆಲಕಚ್ಚಿ ಆಕಾಶವನ್ನು
ಕಯ್ಯ ಮೊಳದಿಂದ ಅಳೆಯುವವನು

ಹಠಗೊಂಡು ಭಾವನೆಗಳನ್ನು
ಅಕ್ಷರದಿ ಹಿಡಿದು ಕಟ್ಟುವವನು

ಈ ಮೂವರೂ ಅಣ್ಣ ತಮ್ಮಂದಿರು


ಇಲ್ವಲ್ಲ

ಮಾವಿನ ತೋಪನು ಕಾಯುವ ಮಾಲಿಯು
ಹಣ್ಣನು ತಿನ್ನುವ ಹಾಗಿಲ್ಲ !
ಯಾರು ತಾವೇ ಗುಲಾಬಿ ತೋಟವೋ
ಅವರೇ ಮುಡಿಯುವ ಹಾಗಿಲ್ಲ !
ಹಾರುವ ಹಕ್ಕಿಗೆ ಉಳುವಾ ಎತ್ತಿಗೆ
ಹೊಟ್ಟೆ ಬಾಯೇ ಇಲ್ವಲ್ಲಾ !


ತಿಂಗಳು ಪತ್ರಿಕೆ -ಅಗಸ್ಟ್ -2009